اقتصاد محيّر

اذهب الى الأسفل

اقتصاد محيّر

مُساهمة من طرف مستار في السبت ديسمبر 20, 2008 5:26 pm




اقتصاد محير

بتقعد بتسمع نشرات ها الاخبار والأزمات المالية وشو عم تتخربط شغلات بها العالم
لحد ما بتسال حالك : وين موقعنا من الإعراب من اللي عم يصير ؟؟
يعني الحمد لله نحنا البلد الفريد من نوعو بها الدنيا اللي ارتفعت عندو جميع الأسعار قبل
ما يرتفع سعر برميل النفط والمعادن ...يعني كان الاستشعار عنا شي تحفة
بعدين صارت الأزمة المالية العالمية .. خمسين ندوة وتقرير إنو نحنا الأقل تضررا من ها الأزمة
إن لم يكن الضرر معدوما على الاقتصاد السوري
طيب حلو ...هلئ اليوم سعر برميل النفط نزل ل 34 دولار بعد ما وصل ل 150
إي ؟؟؟ شو إي ولا شي ناطرين الفرج ... يعني بيجوز ناطرين شي حلم قرنفلي بإنو
النفط يصير يتوزع حصص ع العالم وما عاد ينباع

.
.

غريب هادا شبح السلبيات اللي قاعد عنا بالشوارع ..أول ما صار غلا أسعار صار ينوح ويبكي
لحد ما الحبابين ما هان عليهم يبيتوه ليلية زعلان وعملولو يللي ببالو من غلا بالبلد
أما لما بتمر الإيجابيات من جنبو بيدير وجهو ع تاني جهة وبيصير بيصفر ... مادخلو الأخ
.
.
بتشوف هاالشب السوري المسكين بعد ما خلص دراستو وعسكريتو شايل معو
شاهدة ومشرق ...بتسألو شو في ؟ بيقلك والله هادا حلم البيت الملك ..والحبل ع الجرار
وهنيك بقبرة الأحلام بيقولو نفس البيت الي دفن حلمو : لا تفكر حالك رح تخلص
من ابن عمي اللي أجارو قد راتبك

طبعا هادا الشب بيفرح كتير وبيفتخر لما بيشوف انتاج سيارة ( شام ) ببلدو
يعني ها .. قربنا نخلص من غلا السيارات وبيتحققلو شي حلم
خطي .. هلئ بال 2006 بلشنا نعمل سيارات ؟؟؟



بدي أسال وين راح مشروع المصنع الإقليمي لشركة فورد
فورد اللي اخترع السيارة ..هرا مخو تفكير قام لقى إنو لمصلحتو يعمل
مصنع إقليمي بالشرق الأوسط ( طبعا الكلام من أكتر من 17 سنة )
و لحظو الحلو اختار سوريا مكان لهالمصنع
بيجيه الرد العقلاني والممحص للخفايا : لاء هاي امبريالية واستعمار نحنا أوعى من هيك

نعم ... ؟؟بالله عليك امبريالية ؟؟؟

يعني من دون ها المصنع وصار الجيش الأمريكي جارنا وعم يكدر عيشتنا ليل نهار
بس يا أخي لما قلك مصنع ما قلك لواء ولا قلك رح قعدلك أي أمريكي بالبلد
قلك أنت دير بمعرفتك وصنع طبقا للمواصفات .. وأنا بدي حصتي
يا جماعة مصنع بميزانية أكتر من 100 مليار دولار شو كان عمل فينا هادا ؟
لاء نحنا بدنا نعتمد ع أنفسنا ...اعتمدنا وهلئ ما في صف بأي سوبر ماركت بالعالم
إلا وفيو منتج سوري ... طبعا هادا العالم بمجرة أبو عصام


يمكن أنا غلطان وهوني بالأسواق العربية بس ما في منتج سوري قوي
بس الغريب إنو الزيت والزيتون اللي هي من أشهر منتجاتنا ..بتطلع ع صف الزيت هيك
بتلاقي اللبناني والاسباني والمصري ..إي زيتون مصري مللي الدنيا
هل المنتج السوري مقامو أكبر من الأسواق العربية ؟ والله صار عندي هوس
سافرلي شي أسبوع ع اسبانيا شوف الزيت السوري عم يحرج الزيت الاسباني 3 - 0 بعقر
دارو وبين جمهورو
أو مثلا بكون ماشي بسويسرا بنص الليل بجي بشتهي سندويشة شوكولا سويسرية وبدي اسحب فلوس
بتطلع هيك بلاقي صراف للبنك السوري المتحد متصنبع بكل فخر بين صرافات البنوك السويسرية


سامحونا ع تئل الدم .. ما قصدنا نجرّح ولا نقّ ..
بس من غيرتنا ع اقتصادنا الغالي وأحوالو الجريحة




_________________
ــــــــ لا ســــــكـّـر فـــوق الحقــــــيقــــــــة ــــــــ

avatar
مستار
مشرف
مشرف

عدد الرسائل : 108
العمر : 36
الجنسية : سوري
العمل : هندسة
المزاج : عصبي لكن صاحي
تاريخ التسجيل : 23/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقتصاد محيّر

مُساهمة من طرف عطر المحبة في السبت ديسمبر 27, 2008 12:05 am

مين أبو عصام تبع باب الحارة مستاروووو
ههههههههههههههههههههه
بعدين أيا صرافات ليش بأوروبا عادو تعرفو عالصرافات خلصت موضتها هناك مشان هيك شفتها عندنا بشوارعنا
لا نلوم اللي بيقولو عنا متخلفين
الحقيقة نحنا متخلفين
والسبب هو شي واحد
انو الانسان عنا صار أرخص شي
بتفرج حجي ربك كريم
avatar
عطر المحبة
مشرف
مشرف

عدد الرسائل : 352
الجنسية : سوري
العمل : بحار
المزاج : آخر رواء
تاريخ التسجيل : 02/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقتصاد محيّر

مُساهمة من طرف القبطانة في الجمعة فبراير 06, 2009 9:48 am

ترتكب دائما الأخطاء
((كوننا متخلفين))
فلا بأس بأن ترتكب لدينا أخطاء
ولابأس في أن تكون نسبة الخطأ أكبر من نسبة الصواب
ولكن
لماذا تتكرر دائماً نفس الأخطاء
هذا هو السؤال الذي لا أعرف الإجابة عليه
شكراً لك مستار على الطرح المهم
بارك الله في قلمك
ودمت بود

_________________
المجاهرة بـ الألم تسول "شفقة"
والتستر عليه إعلان "نعي"
وبينهما لن يصلح الدمع ما أفسدته قلوبنا

-~**·~-القبطانة*
*·~-.¸¸,.-~*
لا تسأل العين الحزينة
كيف أدمتها المقل
لا تسأل الطير الشريد
لأي أسباب رحل
*·~-.¸¸,.-~*
avatar
القبطانة
المدير العام
المدير العام

عدد الرسائل : 782
الجنسية : شواطئ الأحلام
العمل : مهندسة
المزاج : قلق الانتظار
تاريخ التسجيل : 11/10/2008

معاينة صفحة البيانات الشخصي للعضو http://beaches.7olm.org

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى